Hákarlar við Ísland eru félagasamtök sem hafa það að leiðarljósi að uppfylla eftirfarandi ófjárhagsleg markmið:
-
standa vörð um velferð háfiska á Íslandsmiðum.
-
veita almenningi fræðslu um líf- og vistfræði háfiska af þeim tegundum sem finnast hér við land og gefa innsýn í sögulegt samspil manna og háfiska á Íslandi í aldanna rás.
-
auðga og dýpka skilning Íslendinga á mikilvægi háfiska í vistkerfi sjávar sem og á þeirri hættu sem steðjar að tilvist háfiska í samtímanum á heimsvísu, þ.m.t. vegna þess að háfiskar eru veiddir í miklum mæli sem meðafli við veiðar á öðrum fisktegundum.
-
standa fyrir óháðum úttektum á álitaefnum er varða tilvist háfiska af mismunandi tegundum innan fiskveiðilögsögu Íslands.
Hákarlar við Ísland rukka ekki inn félagsgjöld í því skyni að tryggja þátttökuréttindi almennings í umhverfismálum, óháð efnahag þeirra. Þeir sem hafa áhuga á að ganga í samtökin geta sent tölvupóst á netfangið sharkiceland@gmail.com
Einstaklingar sem vilja styðja samtökin fjárhagslega geta lagt inn á reikning samtakanna
rknr. 0133-26-008082
kt. 630922-1190
Hákarlar við Ísland hlutu rekstrarstyrk frá Umhverfis-, orku og loftslagsráðuneytinu árið 2023.